గణేష్ నిమజ్జన కేంద్రాన్ని పరిశీలించిన ఆర్డీవో రమణారెడ్డి భక్తులకు ఇబ్బందులు లేకుండా అన్ని ఏర్పాట్లు చేయాలని అధికారులకు సూచన

గణేష్ నిమజ్జన కేంద్రాన్ని పరిశీలించిన ఆర్డీవో రమణారెడ్డి

భక్తులకు ఇబ్బందులు లేకుండా అన్ని ఏర్పాట్లు చేయాలని అధికారులకు సూచన

మిర్యాలగూడ, సెప్టెంబర్ 22 (నవోదయం): గణేష్ ఉత్సవాల సందర్భంగా మిర్యాలగూడ ఆర్డీవో ఎస్. రమణారెడ్డి వేములపల్లి వంతెన వద్ద ఏర్పాటు చేసిన గణేష్ విగ్రహాల నిమజ్జన కేంద్రాన్ని పరిశీలించారు. నిమజ్జన కార్యక్రమానికి సంబంధించిన ఏర్పాట్లను పరిశీలించి సంబంధిత అధికారులకు పలు సూచనలు చేశారు.

ఈ సందర్భంగా ఆర్డీవో మాట్లాడుతూ గణేష్ నిమజ్జనానికి వచ్చే భక్తులకు ఎలాంటి ఇబ్బందులు కలగకుండా ముందస్తు చర్యలు చేపట్టాలని సూచించారు. నిమజ్జనం సందర్భంగా ఎలాంటి అవాంఛనీయ ఘటనలు చోటుచేసుకోకుండా భద్రతా ఏర్పాట్లను పటిష్టం చేయాలని పోలీసు, రెవెన్యూ, మున్సిపల్ అధికారులు సమన్వయంతో పనిచేయాలని ఆదేశించారు.

నిమజ్జన కేంద్రం వద్ద విద్యుత్, వెలుతురు, పారిశుధ్యం, తాగునీరు, రాకపోకల నియంత్రణ, బారికేడ్లు తదితర ఏర్పాట్లను పర్యవేక్షించాలని సూచించారు. నిమజ్జన కార్యక్రమం ప్రశాంతంగా, సురక్షితంగా, పరిశుభ్రమైన వాతావరణంలో జరిగేలా అన్ని శాఖల అధికారులు సమన్వయంతో విధులు నిర్వహించాలని తెలిపారు.

నిమజ్జనానికి వచ్చే భక్తులు, గణేష్ ఉత్సవ కమిటీ సభ్యులు అధికారులకు సహకరించాలని, పోలీసుల సూచనలు పాటిస్తూ ఉత్సవాలను ప్రశాంతంగా నిర్వహించుకోవాలని అధికారులు కోరారు.

ఈ కార్యక్రమంలో గ్రామీణ సీఐ పీఎన్‌డీ ప్రసాద్, మిర్యాలగూడ మున్సిపల్ కమిషనర్ నర్రా శ్రీజారెడ్డి, వేములపల్లి ఎస్సై వెంకటేశ్వర్లు, వేములపల్లి తహసీల్దార్ హేమలత, రెవెన్యూ ఇన్‌స్పెక్టర్ మహేందర్‌రెడ్డి, విద్యుత్ శాఖ, రహదారులు–భవనాల శాఖ, మున్సిపల్ శాఖ, మత్స్యశాఖతో పాటు సంబంధిత శాఖల అధికారులు పాల్గొన్నారు.