చంద్రా గార్డెన్‌లో ఘనంగా ఉత్తమ ఉపాధ్యాయుల సన్మాన సభ

చంద్రా గార్డెన్‌లో ఘనంగా ఉత్తమ ఉపాధ్యాయుల సన్మాన సభ

నవోదయం / జడ్చర్ల :
చంద్రా గార్డెన్‌లో జిల్లా, మండల స్థాయిలో ఉత్తమ ఉపాధ్యాయులుగా ఎంపికైన వారికి సన్మాన సభను ఘనంగా నిర్వహించారు. ఆత్మీయ మిత్రమండలి ఆధ్వర్యంలో జరిగిన ఈ కార్యక్రమానికి మిత్రమండలి అధ్యక్షులు శ్రీ బాదిమి శివకుమార్ ముఖ్య అతిథిగా హాజరై, అవార్డు గ్రహీతలైన ఉపాధ్యాయులను శాలువాలతో ఘనంగా సన్మానించారు.

ఈ సందర్భంగా నిర్వాహకులు మాట్లాడుతూ, సమాజ అభివృద్ధిలో ఉపాధ్యాయుల పాత్ర ఎంతో కీలకమని అన్నారు. విద్యార్థులకు విద్యాబుద్ధులు అందిస్తూ సమాజ నిర్మాణంలో విశిష్ట సేవలు అందిస్తున్న ఉపాధ్యాయుల సేవలను గుర్తించి సత్కరించడం ఆనందంగా ఉందని తెలిపారు.

ఈ కార్యక్రమంలో ఆత్మీయ మిత్రమండలి సభ్యులు, ఉపాధ్యాయులు, పలువురు ప్రముఖులు పెద్ద సంఖ్యలో పాల్గొన్నారు. కార్యక్రమంలో మంచిని విఠలయ్య, బాదిమి రవిశంకర్, ఉమెతల మహేష్, డాక్టర్ గోపాల్, నయుముద్దీన్, అల్లంపల్లి మనోహర్, జనార్ధన్, దత్తు కుమార్, కృష్ణయ్య, విజయకుమార్, జగదీష్, లింగం తదితర మిత్రమండలి సభ్యులు పాల్గొన్నారు.